وظيفة التاكو في الغسالة

 تاكو موتور السرعات ::

فيه ناس بتقول أنه مسؤول عن تقليل وذيادة سرعة الموتور عن طريقه بتوليد عزم مغناطيسي قوي ببطء الموتور أو يسرعه  وده خطأ لأنك علميا لو فرملت أو عرقلت موتور يدور بسرعة يؤدي لارتفاع الامبير وممكن يتحرق..

التاكو عبارة عن ملف يرسل تقرير باستمرار للكارت لمعرفة سرعة الموتور اللحظية ومنه يقوم ترياك الكارت بتنظيم سرعات الموتور بارسال فروق جهد مختلفة للغسيل أو العصر . 

يعني دي قطعة بتبعت للكارت الحالة اللي هو عليها والكارت هو اللي بيتحكم في سرعة الموتور ..

والدليل على كلامي شيل طرفين التاكو من الروزتة بتاعة الموتور هتلاقي الغسالة بتلف بسرعة عالية يمين وسرعة عالية شمال بدون توقف الجهاز

وجرب توصل التاكو في الروزتة ولو ترياك الكارت هو اللي ضارب تلاقي الموتور يلف لفة سريعة والجهاز  

والغرض الاساسي من التاكو هو تعريف الكارتة اولا ان الماتور بيعمل وثانيا قياس مدي الحمل او العزم الواقع علي الماتور والعمل علي تعويضة والعكس صحيح . وهو اكيد ان التاكو بيخرج فولت متردد  AC وكل دورة للمحرك تعد نبضة او هرتز نصفها موجب والاخر سالب والمفترض ان الكارتة مبرجة ان مثلا حال امداد الماتور ب 80 فولت يدور7 لفات في الثانية يعني يخرج 7 نبضات من التاكو لو وصلوا ل 5 نتيجة حمل علي الماتور النبضة الى رايحة لجيت الترياك تزيد . يعني الملخص انه بيعد عدد لفات الماتور وبيحافظ علي ثباتها ايا ما كان الحمل (في حدود المسموح به )عن طريق التحكم في نبضة الترياك . موضوع بيخرج كام فولت هو لية مدي واسع نظرا لاتساع مدي سرعة الماتور من غسل لعصر ومن ماتور لاخري

 قيمة مقاومة التاكو على الافوميتر تتراوح بين 50 الي 500 اوم